Maturinn á að vera upplifun og hafa bragð.

Brakandi ferskt spínat og kjúklingur með sesamfræum er uppistaðan í þessum rétti.

Kjúklingasalat með sætum kartöflum og mangó

4 kjúklingabringur

Paprikukrydd, rósmarín, sesamfræ, salt og pipar

Ólífuolía

1 stór sæt kartafla

Spínat

1 agúrka

¼ rauðkálshaus

1 mangó

Kjúklingabringur eru skornar í litla bita og settar í plastpoka. Paprikukryddi, rósmarín, salti og pipar er bætt í pokann ásamt sesamfræum. Hristið pokann. Kjúklingabitarnir eiga að vera þaktir kryddinu. Þá eru þeir steiktir á pönnu upp úr ólífuolíu og síðan settir til hliðar.

Sæta kartaflan er afhýdd og skorin í litla teninga, sett í eldfast mót og kryddað með rósmarín, salti og pipar. Allt vætt með ólífuolíu. Bakað í 15 mín. í 200°C heitum ofni. Hrærið í kartöfluteningunum á meðan á eldun stendur svo þeir brúnist á öllum hliðum.

Spínat er skolað og sett á stórt fat, agúrkan skorin niður og bætt út í ásamt niðurskornu rauðkáli. Mangó er skorið í litla teninga og sett yfir salatið. Ofan á þetta fara síðan kartöfluteningarnir og kjúklingabitarnir.

#food #cooking #chicken #salad #health